Labing apat na pulis ang sinasabing suspek sa panggagahasa sa 18-anyos na babae sa Cavite.
Ayon sa inisyal na imbestigasyon ng otoridad, nilapitan ang dalaga ng grupo ng mga armadong lalaki na nagpakilalang pulis.
Nagpumilit umanong pumasok sa bahay ng babae ang mga nasabing suspek at kinuha ang mga singsing at cellphone na pagmamay-ari ng biktima.
Pagtapos nito, ni-lock ng mga suspek ang pinto ng bahay at doon na naganap ang panghahalay.
Naaresto naman sa follow up operation ang walo sa mga suspek, habang patuloy pa ring pinaghahanap ang anim na iba pa, na mahaharap sa mga kasong rape at robbery in band. —sa panulat ni Daniela De Guzman
