Bubuo ang PDEA o Philippine Drug Enforcement Agency ng isang task force na tututok sa kampanya ng gobyerno kontra iligal na droga.
Ayon kay PDEA Director General Isidro Lapeña, ang nabanggit na task force ang siyang papalit sa binuwag na anti-illegal drugs group ng Philippine National Police (PNP).
HINDI naman binanggit ni Lapeña kung ano ang magiging komposisyon ng naturang task force.
Patuloy aniya ang koordinasyon nila sa Armed Forces of the Philippines o AFP upang maisapinal na ito.
By Meann Tanbio
