Patuloy ang pagbaba ng COVID-19 positivity rate sa National Capital Region.
Ayon sa OCTA Research Group, bumulusok pa sa 11.6% ang positivity rate sa NCR hanggang nitong October 25, kumpara sa 14.6% noong nakalipas na linggo.
Umabot sa 1,719 ang naitalang bagong infections sa rehiyon noong October 1 at bumaba ito sa 248 noong October 25.
Ang seven-day average ng mga bagong kaso ay bumaba rin sa 491 mula October 19 hanggang 25 mula sa 807 noong October 12 hanggang 18.
Bumulusok din ang one-week growth rate ng infections sa -39%, gayundin ang COVID reproduction number sa 0.74.
Nananatili naman sa ”low” category ang healthcare utilization rate sa NCR na nasa 29%, gayundin ang intensive care unit occupancy na nasa 23%.
Sinabi ni OCTA Fellow Dr. Guido David na posibleng ang Omicron XBB subvariant ang nagdulot ng pagtaas ng COVID-19 cases sa Metro Manila noong nakalipas na buwan.
