Inatasan na ni PNP o Philippine National Police Chief Dir/Gen. Ronald Bato Dela Rosa ang mga pulis na dapat manatiling buhay ang mga naaaresto nilang riding – in – tandem suspect.
Ito’y ayon sa PNP Chief ay para wala silang maging problema lalo’t nahaharap ang buong hanay ng pulisya sa kaliwa’t kanang batikos at kritisismo.
Gayunman, hindi maipangako ni Dela Rosa na hindi magiging madugo ang kanilang operasyon laban sa mga ridin – in – tandem suspects dahil mahigpit din ang kaniyang atas sa mga pulis na manatiling nakatayo o buhay sakaling magka-engkuwentro.
Magugunitang inihayag ni Dela Rosa na sunod nilang tututukan ang mga riding – in – tandem suspect ngayo’t tinanggal na sila ni Pangulong Rodrigo Duterte bilang lead agency sa kampaniya kontra iligal na droga.
