Tinawag na “fake news” ng Department of Education (DepEd) ang mga kumakalat sa social media na tinatanggal nila ang pagdaraos ng Christmas party sa mga paaralan.
Iginiit ng DepEd na wala silang inilalabas na kautusan na nagbabawal sa naturang pagdiriwang.
Nagpaalala rin ang kagawaran sa publiko na maging mapanuri at i-ulat ang mga social media page na nagpapakalat ng maling impormasyon.
Sinabi rin ng DepEd na sa mga verified DepEd Philippines social media accounts at website lang bumisita para sa mga updates o opisyal na pahayag. —sa panulat ni Daniela De Guzman
