Tinanggal na ng Inter Agency Task Force (IATF) ang 14 na araw na quarantine para sa mga dumarating na OFW’s.
Ayon kay Labor Secretary Silvestre Bello lll, ayaw na nilang maulit ang nangyari sa mahigit 40,000 OFW’s na halos dalawang buwan nanatili sa quarantine facilities.
Sinabi ni Bello na kukunan na agad ng swab test ang mga darating na OFW’s at pauuwiin sa kanilang probinsya paglabas ng resulta sa loob lang ng dalawa hanggang tatlong araw.
Nasa pagpapasya na anya ng local government unit sa patutunguhan ng OFW kung ilalagay ito sa quarantine o hindi na.
Yung OFW bago umalis doon sa country of origin magbibigay siya ng 5 day notice, meron kaming matatanggap na report from our labor attache, ‘si Mr. Juan Dela Cruz uuwi ng ganitong araw, ito ang pangalan niya, ito ang trabaho niya, ito ang final destination niya’. Itatapon namin yan dito sa Inter Agency Task Force, yung IATF will also inform the LGU’s para alam nila yung pagdating, meron ng dadating na kababayan nila,” ani Bello. — panayam mula sa Ratsada Balita.