Hinimok ng Samahang Industriya ng Agrikultura (SINAG) ang gobyerno na mang-angkat ng sibuyas mula sa ibang bansa upang mapigilan ang patuloy na pagtaas ng presyo ng gulay.
Ayon kay SINAG president Rosendo So, iminungkahi ng grupo ang pag-angkat ng hindi bababa sa 2,500 metriko tonelada ng pulang sibuyas habang 3,500 metriko tonelada ng puting sibuyas.
Umaasa rin sila anya na maibenta nang P80 ang puting sibuyas habang P50 hanggang P140 ang puting sibuyas.
Batay naman sa datos ng Department of Agriculture (DA) umabot sa P280 kada kilo ng pulang sibuyas sa Metro Manila.
Pinagaaralan naman na ng DA ang panukalang mag-angkat ng sibuyas na hindi bababa sa 10,000 metriko tonelada para sa kapaskuhan.
Samantala, sa palengke ng Kadiwa, maaring mabili ang sibuyas sa halagang P170 kada kilo. —sa panulat ni Jenn Patrolla