Kumilos na ang US Justice Department upang masamsam ang higit sa 12 milyong dolyar na ari- arian ni pork barrel queen Janet Lim Napoles sa Amerika.
Inihain ang civil forfeiture complaint sa Los Angeles Federal District Court upang makuha nito ang kontrol sa mga ari-arian ni Napoles kasama na ang isang condominium unit sa sikat na Ritz Carlton Hotel sa Los Angeles, motel malapit sa Disneyland at isang Porche Boxter na binili ni Napoles para sa kanyang anak na si Jeane Napoles.
Ayon kay US Assistant Attorney General Leslie Caldwell, hindi papayag ang Amerika na paglagakan ng mga nakaw na pera at maging playground ng koruspyon.
Si Napoles ay kasalukuyang nakakulong at nahaharap sa patung-patong na kaso dahil sa umano’y pagdispalko nito ng Priority Development Assitance Fund o PDAF ng mga kongresista sa pamamagitan ng kanyang mga pekeng Non-Government Organization o NGO.
By Rianne Briones
