Publicity lamang ang habol ni Senador Antonio Trillanes IV sa plano nitong buksan muli ang pagdinig ng senado sa mga umano’y alegasyon laban kay Vice President Jejomay Binay.
Ayon kay Joey Salgado, pinuno ng media affairs ni VP Binay, pansariling interes lamang ang dahilan ni Trillanes dito.
Nakiusap si Salgado kay Trillanes na huwag silang lokohin nito dahil malinaw na pamumulitika o publicity lamang ang habol ng senador.
Iginiit ng kampo ni Binay na matapos ang 24 na pagdinig ng senado at sa kabila ng panggigisa ng iba pang senador sa bise presidente ay pawang mga kasinungalingan lamang ang inilabas ng mga ito.
Sa halip, sinabi ni Salgado na mas mainam na tutukan ng senado ang iba pang mahahalagang isyu na hanggang sa ngayon aniya wala pa ring kasagutan.
By Meann Tanbio | Allan Francisco
