Dead on the spot ang isang Barangay Chairman matapos na tambangan sa garahe ng kaniyang bahay sa San Nicolas, Ilocos Norte.
Kinilala ng pulisya ang biktima na si Francisco Bagay, 45-anyos.
Batay sa imbestigasyon ng pulisya, nakaupo sa garahe ang biktima nang lapitan ng salarin na sakay ng motorsiklo at ilang ulit na pinagbabaril at mabilis na tumakas.
Kaagad namang isinugod sa ospital ang biktima ngunit binawian ng buhay habang ginagamot ng mga doktor
Pulitika at personal alitan ang tinuturong motibo ng awtoridad sa krimen.
Bumuo na rin ang mga awtoridad ng special investigation task group para lutasin ang kaso.
Samantala, nag-alok naman ang alkalde ng bayan ng 300,000 pesos reward sa makapagbibigay ng impormasyon para mahuli ang salarin.
