Nawawala ang 14 na Pilipino sa karagatan ng Cape Calavite, Occidental Mindoro matapos bumangga sa isang Chinese cargo vessel ang kanilang barkong pangisda.
Batay sa paunang impormasyon, isang Chinese cargo vessel ang nakabangga sa M/V Liberty Cinco at iniwan ang barko hanggang sa tuluyan itong lumubog.
Natagpuan ng mga divers ang labi ng barko subalit walang nakitang palatandaan kung nasaan ang mga sakay nitong tauhan ng Irma Fishing and Trading.
Natagpuan naman di umano ng Philippine Coast Guard (PCG) ang Chinese cargo subalit itinanggi nila ang anumang nalalaman sa sinapit ng Liberty Cinco o sa mga nawawalang tauhan nito.
Ngayong umaga inaasahang ipagpapatuloy ng PCG ang paghahanap sa mga nawawalang mangingsda.
