Patay ang isang mamamahayag matapos pagbabarilin ng riding in tandem sa Panabo, Davao del Norte.
Kinilala ang biktima na si Dennis Denora na nagtatrabaho sa isang lokal na pahayagan.
Ayon kay Senior Supt. Alan Manibog, Provincial Director ng Davao del Norte, nasa sasakyan ang biktima kasama ang driver nito nang pagbabarilin sila ng mga hindi pa nakikilalang suspek sa Panabo Public Market.
Bunsod ng mga tinamong tama ng bala, dead on the spot si Denora habang nakaligtas naman ang kasama nitong driver.
Tinitingnan ng mga awtoridad ang posibilidad na may kinalaman sa trabaho ni Denora ang motibo sa pagpaslang sa dito.
—-
