Natagpuang nakagapos at may busal sa bibig ang labi ng isang grade 12 student na babae sa isang lodging house sa Toledo City, Cebu.
Ayon sa pulisya, nagpaalam ang 18-anyos na biktima sa kaniyang pamilya na pupunta sa dance practice ng kaniyang mga kaklase.
Ngunit nakipag-eyeball ang biktima sa isang lalaki na nakilala niya online at pumasok sila sa isang lodging house.
Nakita pa sa CCTV ang dalawa sa labas ng establisyemento at nag-uusap bago pumasok ang mga ito.
Nadiskubre ng roomboy ang bangkay ng biktima nang katukin na ang kuwenrto nito dahil checkout time na.
Hinahanap na ang 43-anyos na suspek na nakuhanan ng CCTV.
Isinailalim sa autopsy ang bangkay ng biktima na aalamin din kung ginagahasa ng suspek.
