Posibleng matulad sa visiting forces agreement (VFA) ang mutual defense treaty (MDT) at Enhanced Defense Cooperation Agreement (EDCA) sa pagitan ng Amerika at Pilipinas.
Ito, ayon kay Presidential spokesman Salvador Panelo, ay dahil ang EDCA at MDT ang pampalakas sa VFA na kung wala ay wala na ring saysay ang dalawang nasabing kasunduan na maibabasura lamang.
Sinabi ni Panelo na pursigido ang Pangulong Rodrigo Duterte na maging self-reliant kaya’t target nilang palakasin pa ang puwersa ng Hukbong Sandatahang Lakas ng Pilipinas.
Wala aniyang saysay ang pagiging self-reliant kung patuloy na aasa pa rin ang Pilipinas sa military force agreement sa ibang bansa.
