Patay ang dalawang miyembro ng NPA o New Peoples Army sa nangyaring engkwentro sa Catanduanes.
Ayon sa Philippine Army 9th Infantry Division, nagsasagawa ng combat operations ang 83rd infantry battlion at police mobile force sa bahagi ng Barangay Taopon sa munisipilidad ng Panganiban pasado ala 1:20 kaninang madaling araw nang biglang may dumating na pitong armadong lalaki na kanilang nakasagupa.
Tumagal naman ng sampung minuto ang palitan ng putok na naging sanhi ng kamatayan ng dalawang hindi pa nakikilalang rebelde.
Wala namang nasaktan sa panig ng militar.
Kasabay nito, narekober ng militar ang isang AR-15 rifle mula sa mga rebelde.
