Nagpaabot ng pakikiramay ang DFA o Department of Foreign Affairs sa mga naulilang pamilya dulot ng pananalasa ng Hurricane Harvey sa Houston, Texas sa Amerika.
Kasunod nito, tiniyak ni DFA Secretary Alan Peter Cayetano na walang Pilipinong naninirahan sa nasabing lugar ang nasaktan o nasawi sa nasabing kalamidad.
Patuloy aniyang nakikipag-ugnayan ang DFA sa mga konsulada ng Pilipinas sa Los Angeles maging sa Houston at inatasan na rin itong magbigay ng update araw-araw.
Kasabay nito, nanawagan din si Cayetano sa mga kababayang nasa Amerika gayundin sa Pilipinas na isama sa panalangin ang mga apektadong residente ng Houston.
By: Jaymark Dagala
SMW: RPE
