Posibleng maabot ng bansa o malagpasan pa ang nakalipas na naitalang pagtaas ng kaso ng COVID-19 o pag-peak nuong Agosto na 1,500 kada araw.
Sinabi ni OCTA Research Fellow Dr. Guido David na sa ngayon ay nasa 1,200 ang naitalang kaso kahapon
Posible aniyang umakyat pa ito sa 1,700 kada araw sa susunod na linggo.
Aniya, patuloy nilang mino-monitor ang Metro Manila, Bulacan, Rizal, Cavite at Pangasinan matapos makapagtala ng bahagyang pagtaas ng kaso ng COVID-19.
Sinabi ni David na dito sa Metro Manila ang Quezon City, Manila at Makati ang nakapagtala ng pinakamaraming kaso ng virus na may 1.4 reproductive rate habang ang positivity rate ay nasa 14.5% sa loob ng isang linggo mula sa 12.7%.