Naghain ng resolusyon si Senador Antonio Trillanes IV na humihiling ng hiwalay na imbestigasyon ng Senate Committee On ways and Means kaugnay sa sistema ng tara o payola sa Bureau of Customs.
Ito’y makaraang tablahin ng ilang Senador ang naunang hirit ni Trillanes na palitan si Senador Richard Gordon bilang chairman ng makapangyarihang Senate Blue Ribbon Committee na siyang nanguna sa imbestigasyon hinggil dito.
Ayon kay Trillanes, dapat makapagbalangkas ng batas upang makapagpataw ng mas mabigat na parusa sa mga opisyal ng Customs na sangkot sa katiwalian sa ilalim ng umiiral na customs modernization and tariff act.
Pero sa panig naman ni Ways and Means Committee Chairman Sonny Angara, ipinauubaya na niya sa Blue Ribbon Committee ang imbestigasyon hinggil sa usapin at hindi na siya makikisawsaw pa rito.
By: Jaymark Dagala
SMW: RPE
