Epektibo na ngayong araw ang ika-11 sunod na linggong taas-singil sa presyo ng produktong petrolyo.
Sa anunsyo ng mga kumpaniyang Caltex, Petron, Cleanfuel, PTT Philippines, SeaOil, UniOil, at Flying V, inilarga na sa P13.15 centavos ang kada litro ng diesel na mas mataas sa P11 hanggang P12 na unang pagtaya.
P7.10 centavos naman ang taas-singil sa presyo sa kada litro ng gasolina habang P10.50 centavos naman sa kada litro ng kerosene.
Ang kumpaniya naman ng Petro Gazz ay magpapatupad ng mas maliliit na pagtaas. kung saan, maglalaro sa P6.50 centavos ang presyo sa kada litro ng diesel habang P3.50 centavos naman sa kada litro ng gasolina.
Samantala, magkakaroon naman ng taas-presyo sa kada litro ng Kerosene ang Petron na nasa P10.50 centavos. —sa panulat ni Angelica Doctolero
