Pinasalamatan ni presidential aspirant at vice president Leni Robredo ang kaniyang mga taga-suporta mula sa kanyang naging kampanya hanggang sa eleksyon.
Ayon kay Robredo, ramdam niya ang pagkadismaya ng publiko mula sa proseso ng halalan hanggang sa mabilis na resulta ng mga boto.
Pinasalamatan din ni Robredo ang kaniyang pamilya, mga kaibigan, kakilala at iba pang indibidwal na walang sawang sumuporta sa kaniyang pagtakbo.
Ayon kay Robredo, alam niyang hindi madaling tanggapin ang mga numerong lumalabas sa quick count lalo na’t may mga naiulat na irregularities sa halalan.
Sinabi ni Robredo na ang kanilang kampanya ay kampanyang hindi pa nasasaksihan ng kasaysayan kundi kampanyang pinamumunuan ng taumbayan.
Nangako naman si Robredo na ipagpapatuloy niya ang kanyang pinaglalaban at kaniyang iaangat ang buhay ng mga nasa laylayan.
