Muling hinimok ni Isabela Representative Rodito Albano ang Philippine Medical Association o PMA na maging bukas hinggil sa kaniyang panukalang batas kaugnay sa isyu ng legalidad sa bansa ng paggamit ng medical marijuana.
Ito’y matapos tutulan ng PMA ang naturang panukalang batas.
Giit ng Kongresista nasagot na ng panukalang batas ang mga tanong o kinakatakot ng PMA sakaling maging legal ang paggamit ng medical marijuana sa bansa ngunit aniya hindi lamang sila nakikinig dahil sa makitid na perspektibo ng mga ito.
Nanatiling kumpiyansa naman si Albano na lulusot ang panukalang batas sa ikatlo at huling pagbasa nito sa Kamara dahil sa suporta ng mayorya ng kaniyang mga kasamahan sa Kongreso sa pangunguna ni House Speaker Pantaleon Alvarez.
SMW: RPE