Kinumpirma ng China ang unang kaso ng zika virus sa kanilang bansa.
Ayon sa National Health and Family Planning Commission ng China, nakuha ng 34-anyos na lalaki ang nabanggit na virus nang bumiyahe ito sa South America.
Ang nasabing biktima na mula sa Ganxian County sa Eastern Province ng Jiangxi ay kasalukuyang sinusuri sa Ganxian People’s Hospital.
Sa pinakahuling ulat, normal ang temperatura ng biktima at unti-unti nang nawawala ang skin rashes nito.
Agad namang pinawi ng Chinese authorities ang pangamba sa pagkalat ng zika virus dahil malamig ang panahon.
By Meann Tanbio