Naniniwala si US President Donald Trump na aksidenteng napatumba ng Iran ang isang Ukrainian airline flight na ikinasawi ng lahat ng sakay nito.
Ayon pa sa isang opisyal ng US, na detect pa umano sa satellite, radar, at electronic data, ang anti-aircraft missile na pinaniniwalaang tumama at naging sanhi ng pag crash ng Ukrainian International Airlines Boeing 737-800.
Maging si Canadian Prime Minister Justin Trudeu ay sangayon sa paratang ni Trump.
Aniya, marami silang mga intelligence reports mula sa ibat-ibang source na nagsasabing may kinalaman ang Iran sa pagbagsak ng nasabing eroplano.
Dagdag pa ni Trudeu, maaaring ito ay hindi sinasadya ng Iran.
Patay ang 176 na sakay ng Ukrainian International Airlines sa plane crash, ilang minuto matapos magpakawala ng missile ng Iran target ang military base ng US sa Iraq.