Nakatakdang kasuhan ng plunder ngayong araw na ito ang ilan sa mga miyembro ng board ng Philippine Charity Sweepstakes Office o PCSO at maging ang mga operators ng STL o Small Town Lottery.
Ihahain ng grupong Citizens Crime Watch ang P50-billion plunder case sa Office of the Ombudsman dahil umano sa anomalya sa pag-ooperate ng PCSO ng STL.
Kabilang sa mga respondents ang mga miyembro ng PCSO Board na sina General Manager Jose Ferdinand Rojas II, Francisco Manuel Joaquin III, Mabel Mamba at Betty Nantes, at Remeliza Gatbuyo.
Hindi kasama sa kaso si PCSO Chairman Erineo “Ayong” Maliksi.
Kumpiyansa naman si Rojas na maibabasura ang kaso dahil aniya sa kawalan ng merito.
By Meann Tanbio