Tila naging kuwestyonable ang umiiral na martial law sa Mindanao.
Pinuna ito ni Senador Francis Pangilinan matapos ang magkasunod na pagpapasabog sa General Santos City at Midsayap North Cotabato.
Ayon kay Pangilinan, tila walang silbi ang deklarasyon ng martial law sa Mindanao dahil hindi rin napipigilan ang mga karahasan.
Nakakaalarma na aniya ang sunod-sunod na pagsabog sa Mindanao sa nagdaang dalawang buwan lamang.
Nito lamang Agosto ay lima ang nasawi sa dalawang pagsabog sa Sultan Kudarat noong Agosto 28 at September 2.
—-
