Naitala sa Baguio City ang pinakamababang temperatura ngayong araw mula nang opisyal na pumasok na ang bansa sa tinatawag na “ber” months.
Batay sa datos mula sa PAGASA weather bureau, pumalo sa 14 degrees celcius ang temperatura sa lungsod kaninang umaga.
Nabatid na ito rin ang pinakamababag temperaturang naitala ng PAGASA mula nang magtapos ang panahon ng tag-init.
Huling naitala ang pinakamababang temperatura sa Baguio City noong Marso 27 ng taong ito na pumalo sa 13 degrees celcius.
