Arestado ang isang wanted na South Korean na sinasabing nanggantso ng kanyang mga kababayan ng higit 200 milyong won o 9 na milyong piso.
Ang 38 taong gulang na si Kim Woo ay nadakip ng mga ahente ng Bureau of Immigration o B.I. sa Angeles City, Pampanga.
Ayon sa B.I., isa pang Koreano ang naloko rin ni Woo ng halos 129 million won o katumbas ng 5.7 million pesos para umano sa gagawin nitong pelikula.
Isiniwalat din ng Immigration na isang “undocumented foreigner” si Woo dahil kinansela na ng Korean government ang kanyang pasaporte.
