Nabunyag ang panibagong modus operandi sa Ninoy Aquino International Airport o NAIA na tinatawag na “tanim balisong”.
Ikinuwento sa DWIZ patrol ng isang maybahay na noong November 16, 2015 o ang kasagsagan ng kahigpitan ng seguridad sa paliparan dahil sa APEC Summit nang ba-biyahe siya at ang kanyang 16 na taong gulang na anak patungong Haneda, Japan.
Dumaan na aniya sila sa check-in counter ng NAIA Terminal 2 para sa kanilang biyahe patungong Japan, subalit kinailangan nilang lumabas na mag-ina para sunduin ang isa pa nilang kasama.
Aniya, nang muli silang pumasok dala ang gamit na una nang na-x ray, nagulat na lamang siya nang kanyang mapansin na nakikipagtalo ang kanyang anak at inaakusahan na may dalang balisong sa kanyang hand carry luggage.
Ayon sa Ginang, hindi naman sila na-harass dahil mayroong katungkulan ang kanyang mister sa hanay ng PNP.
By Meann Tanbio | Raoul Esperas (Patrol 45)
