2 Filipino ang kabilang sa 8 tripulante ng isang Greek oil tanker na dinukot ng mga armadong lalaki sa Cameroon, isang bansa sa Sentral Africa.
Batay sa pahayag ng Merchant marine minister ng Greece, inatake ng mga armadong lalaki ang oil tanker na “happy lady” habang nakadaong ito sa pantalan ng Limbe.
Maliban sa 2 Filipino, binihag din ng mga armadong lalaki ang limang greek at isang ukranian na tripulante rin ng oil tanker.
Habang isa pang Greek National ang nagtamo ng sugat sa kanyang bukung-bukong matapos tamaan ng bala at kasalukuyan nang ginagamot sa isang lokal na ospital.
Tiniyak naman ng pamahalaan ng Greece na mahigpit nilang binabantayan ang mga pangyayari.
