Isasailalim ng lokal na pamahalaan sa lockdown ang Sulu para mapigilan ang pagpasok ng bagong coronavirus variant sa lugar.
Ayon kay Wesmincom Chief Lt. General Corleto Vinluan, epektibo ang lockdown mula January 4 hanggang 17, 2021.
Nakakabahala kasi aniya ang napaulat na pagpasok ng bagong strain ng COVID-19 sa Sabah.
Dahil dito pansamantala na ring ipinagbabawal ang pagpapapasok ng mga magmumula sa Sabah upang maiwasan ang paglala ng sitwasyon.
