Naninindigan si Senate Minority Leader Vicente “Tito” Sotto The Third na mali si Senador Rodante Marcoleta sa proposal nitong online voting.
Ayon kay Sotto, paraan lamang ito upang makaboto si Senador Ronald “Bato” Dela Rosa at panatilihin ang kasalukuyang 13-member Senate majority.
Nakapagtataka rin anya na walang nais maging Senate Majority Leader, na siya ring tatayo bilang chairman ng Senate Committee on Rules.
Nangangamba rin si Sotto na posibleng ipilit ng mayorya ang naturang isyu sa darating na linggo, kahit na hindi kabisado ng ilan sa mga ito ang rules ng Senado, tulad ng “motion to adjourn”.—sa panulat ni Anjo Riñon
