Magtatakda ng hearing si Senador Miriam Defensor Santiago kaugnay sa paggastos ng sobra-sobra ng presidential candidates sa kanilang political advertisements.
Sinabi ni Santiago na dapat tutukan ng mga botante ang mga kandidato grabeng magbuhos ng pera o gumagasta ng milyun-milyong piso sa kanilang political ads hindi pa man nagsisimula ang official campaign period sa Pebrero 9.
Ayon kay Santiago, kabilang sa mga tanong ay kung paano babawiin ng mga pulitiko ang milyun-milyong pisong ginastos ng mga ito sa kanilang kampanya na malinaw naman aniyang magnanakaw ang mga ito sa public funds.
Posible rin aniyang magbigay ng pabor sa malalaking sponsors o contributors kapalit ng dapat sanay pakinabang ng publiko.
Lumalabas sa pinakahuling balita na pumapalo na sa 2.3 billion pesos ang nagagastos ng 4 na presidentiables sa kanilang ads mula January hanggang December 2015.
Pinakamalaki ang nagastos umano ni Liberal Party bet Mar Roxas na nasa P774 million pesos, Vice President Jejomar Binay – P695 million pesos, Senador Grace Poe- P694 million pesos at Davao City Mayor Rodrigo Duterte – P129 million pesos.
By Judith Larino
