All systems go na ang pamahalaan para 31st ASEAN Summit and related meetings sa susunod na linggo.
Ayon kay Presidential Spokesman Harry Roque, plantsado na ang lahat ng security measure para sa nasabing international event.
Kahit anya ang mga lugar na pupuwestuhan ng foreign at local media ay isinaayos na rin kabilang ang Malacanang press corps.
Tuloy-tuloy din ang paghahanda sa bahagi ng Palasyo kung saan may mga itinalaga ang D.P.W.H. na mga tagalinis.
Idinagdag ni Roque na makasaysayan ang summit ngayon dahil nasabay ito sa 50th year golden anniversary ng ASEAN sa pagiging chairman ng Pilipinas o host country bukod pa sa ito ang kauna-unahang pagkakataon na makakarating sa bansa si US President Donald Trump.