Kinondena ng Santo Papa ang naganap suicide bombing sa Iraq.
Sa isang mensaheng ipinaabot ni Pope Francis kay Iraqi President Barham Salih, tinawag ng Santo Papa na isang ‘senseless act of brutality’ ang naturang pangyayari na kumitil sa buhay ng higit sa 30 katao.
Ipinagdasal din ng Santo Papa ang mga pamilyang nawalan ng mahal sa buhay bunsod ng insidente, maging ang mga biktima ng suicide bombing na kasalukuyan pang nagpapagaling.
Kasunod nito, umaasa ang Santo Papa na matututunan din ng mga iraqi ang pagmamahalan at pagkakaisa.
