Kinumpirma ng United States Senate ang pagkakatalaga ng White House sa ikalawang babae at susunod na US Ambassador to the Philippines na si Marykay Carlson.
Batay ito sa Tweet ng Senate Cloakroom alinsunod sa desisyon ng high chamber.
Si Carlson ay naglingkod bilang Deputy chief of Mission sa New Delhi sa India sa loob ng tatlong taon at naging Chargé D’Affaires sa loob ng tatlong buwan.
Nagpakita naman ng suporta at pagkatuwa ang unang female US Ambassador to the Philippines na si Kristie Kenney mula 2006 hanggang 2010 sa pagkakatalaga kay Carlson.
