Patay ang 80 katao sa 3 magkakahiwalay na suicide bombings sa Baghdad na inako ng Islamic State ayon sa Iraqi police at mga hospital staff.
Naganap ang unang pag-atake sa pamamagitan ng isang suicide car bomb sa isang pamilihan sa Shi’ite Muslim area sa Sadr City na kumitil ng 55 katao habang 68 naman ang sugatan.
Dalawang pagsabog pa ang naganap na gawa ng suicide bomber sa isang security checkpoint sa Kadhimiya na kumitil ng 17 katao habang 30 naman ang nasugatan.
Isa pang bomba ang sumabog sa checkpoint sa Sunni district ng Western Baghdad, na kumitil ng 8 katao at ikinasugat ng 20.
By Mariboy Ysibido
Photo Credit: Reuters
