Nagpositibo sa COVID-19 ang tatlong Filipino workers kasunod ng outbreak na naganap sa isang pabrika sa Miaoli County sa Taiwan.
Ayon kay Angelito Banayo, chairman ng Manila Economic and Cultural Office (MECO), ang tatlong OFWs ay nagtatrabaho sa isang semi-conductor company.
Isinalang na aniya sa malawakang testing ang pitong libong empleyado ng pabrika na pinapasukan ng mga ito upang mapigilan ang pagkalat ng virus.
