Posibleng mayroon pang siyam na suspect sa terror attack sa Paris, France.
Batay ito sa pinakahuling video na nakuha ng otoridad sa Paris kung saan makikita ang posibleng ika syam na hinihinalang terorista.
Gayunman, inaaral pa ng otoridad kung ang nakitang lalake sa video ay isa sa dalawang suspects na nahuli sa Belgium.
Maaari rin anila na ang nakitang lalake sa video ay kasamang tumakas ni Salah Abdeslam, isa sa mga suspects na nakitang walang habas na namaril ng mga tao sa mga bars at cafes sa Paris.
Kasama ni Abdeslam ang kanyang kapatid na nagpasabog ng kanyang sarili sa labas ng isang bar sa Boulevard Voltaire matapos ang ginawa nilang pamamaril.
By Len Aguirre
