Bumuo na ng master plan at naglatag na rin ng mga hakbang ang lokal na pamahalaan ng Surigao del Norte para sa pagsasaayos ng waste management system sa Siargao Island.
Ito ay upang matiyak na hindi matulad ang isla ng Siargao sa Boracay na may kinahaharap na matinding problema sa polusyon.
Ayon kay Surigao del Norte First District Representative Bingo Matugas, nagpapagawa na sila ng isang centralized waste management system na posibleng matapos ngayong taon.
Nakipag-ugnayan na rin aniya sila sa isang dayuhang kumpanya na mangangasiwa sa pagtatapunan ng mga makokolektang mga basura sa Siargao.
Dagdag ni Matugas, humingi na rin sila ng tulong sa kilalang urban planner na si Architect Jun Palafox para naman pagsasagawa ng master plan na tutukoy sa buong kapasidad ng isla at magbibigay proteksyon sa forest at wet land nito.
—-
