Bumisita si Vice President Sara Duterte kahapon sa bayan ng General Trias at Imus sa Cavite upang hatiran ng tulong ang mga pamilyang nasalanta ng Bagyong Paeng.
Aabot sa 3,000 residente ng General Trias at 2,500 indibidwal sa Imus ang napagkalooban ng food packs.
Sa kanyang mensahe, ipinunto ng Pangalawang Pangulo ang kahalagahan ng paghahanda sa epekto ng mga kalamidad gayunding ang pagsasaalang-alang sa pagpili ng lugar sa pagtatayo ng mga bahay.
Katuwang ni VP Sara sa bayanihan relief operations sa nasabing mga lugar si Senador Bong Revilla.
