Nananatili ang COVID-19 bilang pangunahing banta sa mga Filipino ngayon, bukod sa New People’s Army at mga terorista.
Ito ang inamin ni Pangulong Rodrigo Duterte sa kanyang lingguhang Talk to the People makaraang makapagtala muli ng mahigit 37K additional COVID-19 cases sa bansa kahapon.
Ayon kay Pangulong Duterte, sadyang nakapanlulumong sakit ang COVID-19 at maraming Pinoy ang nahahawa nito lalo sa mabilis na pagkalat ng mas nakakahawang Omicron variant.
Sa kabila nito, umaasa naman anya sila sa gobyerno na huhupa na ang COVID-19 surge sa mga susunod na araw.
