Naniniwala ang Malacañang na epekto ng sunud-sunod na kalamidad ang pagdami ng pamilyang Pilipino na nakaranas ng gutom sa ikatlong quarter ng 2025.
Sa pinakahuling survey kasi ng Social Weather Stations, 22% ng mga pamilyang Pilipino ang nakaranas ng involuntary hunger o ang pagkagutom at walang makain sa loob ng ilang beses sa nakalipas na tatlong buwan.
Mas mataas ito ng 5.9 points kumpara sa 16.1% na naitala noong Hunyo 2025.
Sinabi ni Palace Press Officer Claire Castro na patuloy naman sa pagtatrabaho ang pamahalaan para labanan ang insidente ng gutom at kahirapan.
