Sinimulan na ngayong araw ng Metropolitan Manila Development Authority o MMDA ang dry run ng bagong traffic scheme sa Commonwealth Avenue Quezon City.
Ito’y bilang bahagi pa rin sa pagpapaluwag ng trapiko sa naturang kalsada dahil sa nagpapatuloy na konstruksyon ng MRT-7.
Mula Quezon Memorial Circle pakanan na ng Maharlika St. ang daan ng mga sasakyan kung papunta ng Philcoa.
Habang sa Masaya St. naman na ang sakayan at babaan para sa mga jeep at iba pang PUV.
Tinapyas na rin ang island separator sa Philcoa kung saan talamak ang illegal na pagsasakay at pagbababa.
Samantala, naka-standby naman ang mga barrier at fence para ma-kontrol ang mga pasahero at pedestrians.
Kasong jaywalking at multang P500 ang kakaharapin ng mga lalabag.
—-
