Napagkasunduan ng Association of Southeast Asian Nations at ng Japan na palawigin ang economic partnership agreement nito.
Sa joint statement ng ASEAN at Japan, nais nilang mapalawig ang ugnayan nito sa aspeto ng ekonomiya bilang tugon sa nagpapatuloy na mga geopolitical tensions at banta sa mga energy supply route.
Nangako rin ang dalawang partido na iiwasang gumawa ng mga hakbang nang hindi nag-uusap upang maiwasang lalo pang pumalya ang pandaigdigang ekonomiya.
Bilang kinatawan ng ASEAN, binigyang-diin ni Trade Secretary Cristina Roque na nagiging mahalaga ang ASEAN-Japan cooperation, lalo na’t nagpapatuloy ang kaguluhan at kawalan ng kapanatagan sa buong mundo.
Samantala, umaasa si Japanese Trade Minister Ryosei Akazawa na maisusulong ang mas malapit na kooperasyon ng kanyang bansa at ng ASEAN, lalo na sa usapin ng energy security, artificial intelligence, at supply chains. | Sa panulat ni Anjo Riñon
