Hinamon ni Kabataan Party-list Representative Renee Co si Senador Ronald ‘Bato’ dela Rosa na mas makabubuting magbitiw na ito sa pagiging senador.
Ito’y dahil sa halos dalawang buwan nang absent si Senador dela Rosa at hindi nakadadalo sa mga sesyon at pagdinig ng Senado.
Para kay Rep. Co, hindi dapat sinuswelduhan ang mga opisyal na tumatakas sa kanilang pananagutan.
Kahit pa anya takasan ng senador ang mga paratang at mga kasong kinakaharap maging ang posibleng pag-aresto sa kanya ng International Criminal Court (ICC), ay patuloy pa ring maniningil ang taumbayan saan mang lupalop ito magtago.
Matatandaang nagparamdam sa social media si Senador dela Rosa sa mismong araw ng kanyang kaarawan at sinabing “I am alive and well and awaiting justice.”
