Itinalaga ng Department of Environment and Natural Resources (DENR) ang mga estudyante ng Polytechnic University of the Philippines (PUP) sa Maynila bilang environment ambassadors.
Sinasabing bilang bahagi ng partnership, itinurn over naman ni DENR Secretary Roy Cimatu ang isang daang tablets kay PUP Executive Vice President Alberto Guillo sa PUP Manila.
Ang mga tablet computers ay ibibigay naman sa mga environment and natural resources o ENR ambassadors na makakatuwang ng ahensya sa pangangalaga at proteksiyon sa inang kalikasan.
Nabatid na noong Agosto pa lumagda sa isang memorandum of agreement o MOA sina DENR-NCR Director Jacqueline Caancan at PUP President Manuel Muhi para sa nabanggit na ENR Ambassador Project.
