Nakapagtala ng 906 na bagong kaso ng Omicron subvariant na BA.5 ang Department of Health (DOH).
Ayon kay DOH Officer-in-Charge Maria Rosario Vergeire, lahat ng rehiyon sa bansa ay may kaso na ng naturang subvariant.
Bunsod nito ay umakyat na sa 4,013 ang kabuuang bilang ng mga indibidwal na tinamaan ng BA.5 subvariant sa bansa.
Samantala, bukod pa rito ay nakapagtala rin ang DOH ng 11 na karagdagang kaso sa Omicron subvariant na BA.4 at pito naman na bagong kaso sa BA.2.12.1.
