Patay sa pananambang ang isang presiding judge ng Regional Trial Court sa Baler, Aurora.
Ayon sa pulisya, pababa na ng kanyang sasakyan si Judge Jude Erwin Alaba at ang kanyang asawa nang paulanan ng bala ng isang lalaking naka-motorsiklo.
Nasugatan sa pamamaril ang misis ni Alaba at patuloy itong inoobserbahan sa isang ospital.
Agad namang kinondena ng Korte Suprema ang pamamaslang kay Alaba at tinawag itong pag-atake sa sistema ng hustisya sa bansa.
By: Jelbert Perdez
