Sugatan ang isa katao sa pagsabog ng granada sa residential compound ng Mayor at Vice Mayor ng Bacong Town sa Negros Oriental.
Kinilala ng mga otoridad ang nasugatan na si Diana Jane Justiniani na nagtamo ng bahagyang sugat sa kanilang kaliwang braso.
Ang granada ay itinapon sa residential compound ni Bacong Mayor Jocelyn Alviola at asawa nitong si Vice Mayor Lenin Alviola sa Barangay Lutao.
Si Justiniani ay live in partner ni Lionell Jester Alviola, anak ng mga naturang local officials.
Ligtas naman ang mag asawang alkalde at bise alkalde sa insidente bagamat wasak ang sasakyan ng mga ito.
Iniimbestigahan na ang insidente kung saan nakita ang riding in tandem na naghagis ng granada sa sa residential compound at posibleng pulitika ang tinututukang anggulo sa kaso.
