Iginiit ni Pangulong Rodrigo Duterte na tanging si PNP Chief Ronald Dela Rosa lamang ang inuutusan niya kahit pa noong nasa Davao sila kung saan naging alkalde siya ng lunsod habang hepe naman ng Davao Police si Dela Rosa.
Taliwas ito sa sinabi ni retired SPO3 Arthur Lascañas na siya ang inuutusan ng Pangulo noon na pumatay para sa Davao Death Squad.
Gayunpaman, inamin ng Pangulo na kilala niya si Lascañas.
Sinabi ni Pangulong Duterte na kilala niyang pulis si Lascañas at nakikita nang isa hanggang dalawang beses sa isang taon ngunit hindi para utusan dahil hindi, aniya, siya nag-uutos sa kung sinu-sino lang.
By: Avee Devierte / Aileen Taliping
